Turquoise Marina: Epoka e re e turizmit elitar në Adriatik dhe ridimensionimi i Gjirit të Lalëzit
Tiranë, 10 Shkurt 2026
Ndërsa vitet e fundit vëmendja e investimeve strategjike ka qenë e fokusuar kryesisht në jugun e
Shqipërisë, bregdeti i Adriatikut po përjeton një metamorfozë të jashtëzakonshme që po sfidon
parashikimet e tregut. Në epiqendër të këtij transformimi qëndron Turquoise Marina, një nga
projektet më ambicioze në shkallë rajonale. I zhvilluar nga kompania AGIKONS, ky kompleks po provon
se si simbioza mes vizionit arkitekturor dhe ekselencës inxhinierike mund ta shndërrojë zonën e
Hamallajt në një destinacion rezidencial dhe turistik të klasit botëror, aktiv gjatë 365 ditëve të
vitit.
Me një sipërfaqe prej 350,000 m², Turquoise Marina nuk mund të klasifikohet thjesht
si një kompleks
vilash, por si një ekosistem i mirëfilltë urban i konceptuar si një qytet i ri, një metropol
rezidencial mes natyrës dhe ujit. Filozofia e Agikons për këtë projekt bazohet në densitetin e ulët
të ndërtimit, duke i dhënë prioritet absolut hapësirave të gjelbra dhe sistemeve ujore.
Elementi që e bën këtë projekt unik në Ballkan është sipërfaqja ujore prej 35,000 m², e cila
depërton organikisht brenda rezidencës. Ky inxhinierim i guximshëm u mundëson banorëve një stil
jetese që deri më sot ishte privilegj i destinacioneve si Venecia apo resortet elitare të Floridës:
lundrimin me jaht apo varkë deri në pragun e shtëpisë. Ky projektim jo vetëm që rrit vlerën e pronës
për të ardhmen, por krijon një identitet të papërsëritshëm në peizazhin shqiptar.
Për Agikons, estetika është e pandashme nga integriteti teknik. Megjithatë, ambicia e projektit
kulmon në bashkëpunimin me emra të mëdhenj të arkitekturës globale. Projekti i hotelit "Turquoise
Marina by Arka" mban firmën e studios prestigjioze Amanda Levete Architects, një fakt që e
pozicionon këtë strukturë si një ikonë të ardhshme arkitekturore të bregdetit shqiptar, ku forma
organike takon funksionalitetin modern.
I pyetur për këtë, ideatori dhe investitori me eksperiencë 30-vjeçare në fushën e zhvillimit
rezidencial dhe hotelier,Z. Gentjan Sula , thekson:
" Turquoise Marina është e para marinë rezidenciale në bregdetin shqiptar.
Ky investim i kompanisë
AGIKONS ka një rëndësi të madhe kombëtare, jo vetëm për origjinalitetin
e zgjedhjeve
arkitektonike
apo qëndrueshmërinë mjedisore të ekosistemit që prodhon, por edhe për faktin se ai i kthen
Shqipërisë një realitet që e pasuron identitetin urban shqiptar me banesën pranë ujit, si një
formë
e të jetuarit në relacion të drejtpërdrejtë me marinën dhe barkën.
Kjo bashkëjetesë jo vetëm
pasuron identitetin urban në Shqipëri, por krijon një frymë që tërheq turizëm në mënyrë të
qëndrueshme dhe pasuron kulturën tonë kombëtare me kulturën e detit — një kulturë në të cilën
shqiptarët kanë ardhur dhe ikur disa herë në kohë të ndryshme për arsye historike. Tashmë
shqiptarët vendosin ta bëjnë detin pjesë të qëndrueshme të kulturës së tyre individuale dhe
kolektive."
Një nga sfidat më të mëdha të turizmit shqiptar ka qenë sezonaliteti, një barrierë që Turquoise Marina synon ta ndryshojë përmes diversifikimit të faciliteteve.
Për herë të parë në Shqipëri, një
rezidencë banimi integron një Aquapark modern, i menduar si një qendër graviteti për argëtimin
familjar gjatë gjithë vitit.
Kompleksi ofron një infrastrukturë të pakrahasueshme që përfshin marinën më të madhe rezidenciale me
mbi 200 poste ankorimi, 5,000 m² zona të dedikuara për sporte si tenis e futboll, si dhe një rrjet
prej 3,000 metrash korsi biçikletash, e vetmja e këtij lloji në zonën e Gjirit të Lalëzit. Siguria
dhe administrimi 24/7 plotësojnë këtë mozaik, duke ofruar qetësinë e nevojshme për një jetesë
elitare.
Përtej arkitekturës dhe stilit të jetesës, forca e vërtetë e Turquoise Marina qëndron te garancia
financiare që u ofrohet blerësve. Përmes partneritetit strategjik me Art & Tourism Development Group
(ATDG), blerja e një prone shndërrohet nga një investim pasiv në një aset fitimprurës.
Me një përvojë mbi dy-dekada në menaxhimin e hotelerisë në Shqipëri dhe Kosovë, ATDG implementon një
program të mirëfilltë qiradhënieje. Kjo u mundëson pronarëve që, gjatë kohës kur nuk e përdorin
pronën, t’ia kalojnë atë administrimit profesional të kompanisë. Ky model siguron një mirëmbajtje
sipas standardeve ndërkombëtare dhe një kthim të garantuar të investimit (ROI). Në një treg ku
turizmi po rritet me ritme të shpejta, ky bashkëpunim e bën Turquoise Marina një nga mundësitë më të
sigurta dhe më të qëndrueshme financiare në rajon.
Turquoise Marina është dëshmia e gjallë se bregdeti i Adriatikut zotëron
potencialin për të ofruar
të njëjtin ekskluzivitet si destinacionet më të njohura mesdhetare. Agikons nuk po ndërton thjesht
godina; po ridizajnon hartën turistike të Shqipërisë, duke i dhënë Gjirit të Lalëzit shkëlqimin e
një resorti të përmasave evropiane dhe duke vendosur një standard të ri për atë që quhet një jetesë
e mire dhe e shëndetshme.